Amazon Seller: Konprann Baz yo fèt pou moun ki vle kòmanse konprann kijan vann sou Amazon fonksyone anvan yo antre nan etap ouvèti ak jesyon yon store.

Nan kou sa a, w ap aprann fè diferans ant platfòm Amazon pou achte ak Amazon Seller pou vann. W ap konprann tou kijan Amazon Seller òganize, frè plan pwofesyonèl la, ak 2 prensipal fason ou ka vann pwodwi sou menm store la: FBM ak FBA.

Kou a eksplike konsèp yo an Kreyòl, avèk egzanp senp, vizyèl ak quiz pou ede w verifye sa ou konprann.

Sijè prensipal yo enkli:

• Diferans ant Amazon pou achte ak Amazon Seller pou vann
• Kijan pou rekonèt diferan platfòm Amazon yo
• Kijan Amazon Seller fonksyone an jeneral
• Kijan pou konprann Amazon tankou yon gwo sant komèsyal ki gen anpil store ladan l
• Frè plan Amazon Seller pwofesyonèl la
• Kisa FBM, Fulfillment by Merchant, vle di
• Kisa FBA, Fulfillment by Amazon, vle di
• Kijan pwosesis FBM fonksyone etap pa etap
• Kijan pwosesis FBA fonksyone etap pa etap
• Ki responsabilite vandè a nan FBM
• Ki travay Amazon pran an chaj nan FBA
• Kijan warehouse/depo Amazon yo fonksyone nan FBA
• Diferans nan kontwòl, anbalaj ak shipping ant FBM ak FBA
• Poukisa ou ka itilize FBM ak FBA sou menm store Amazon Seller la

Objektif kou a

Lè w fini kou sa a, ou ta dwe kapab konprann baz Amazon Seller yo epi fè diferans ant FBM ak FBA anvan ou pase nan pwochen etap la: ouvri epi verifye pwòp store Amazon Seller ou.