Nan leson sa a, w ap aprann ki dokiman ak enfòmasyon ou dwe prepare davans anvan ou kòmanse ouvri kont Amazon Seller ou. Objektif la se pou w gen tout bagay pare sou laptop oswa iPad ou, pou pwosesis la fèt pi fasil epi san reta.

Pwen kle:
• Yon pyès idantite valab, lisans oswa paspò, ki poko ekspire
• Foto devan ak dèyè pyès la, deja sou laptop oswa iPad ou
• Dènye relve kont bank ou, telechaje an PDF konplè
• Routing number bank lan
• Nimewo kont bank lan
• Imèl ou pral itilize pou Amazon Seller
• Modpas imèl la
• Kenbe tout dokiman ak enfòmasyon sa yo an sekirite epi konfidansyèl
• Prepare tout bagay anvan ou kòmanse pwosesis ouvèti store la

Nan leson sa a, w ap konprann diferans ant Amazon pou achte ak Amazon Seller Central pou vann. W ap aprann ki imèl ou ka itilize, poukisa li enpòtan pou w sonje modpas ou, epi kilè li pi bon pou kreye yon nouvo imèl. Sa ap prepare w pou pwochen etap la, antre sou Amazon Seller Central epi kòmanse pwosesis pou kreye kont vandè ou.

Nan videyo sa a, w ap aprann kijan pou antre sou Amazon Seller Central epi jwenn bon paj pou kòmanse. Sa se premye etap la. Nan pwochen leson yo, n ap prepare dokiman ak enfòmasyon ou bezwen pou kreye kont ou, evite erè, epi kòmanse vann sou Amazon ak plis konfyans.

Nan leson gratis sa a, w ap aprann kisa yon relve kont bank ye, ki kalite relve Amazon aksepte, epi kijan pou jwenn li sou aplikasyon bank ou oswa dirèkteman nan bank lan. W ap wè tou enfòmasyon Amazon bezwen verifye sou dokiman an, tankou logo bank lan, non ou ak adrès ou. N ap eksplike poukisa kont lan dwe gen plis pase 30 jou, epi poukisa kantite lajan ki sou kont lan pa enpòtan.

Nan leson sa a, w ap aprann kisa yon nimewo routing ye, kijan li idantifye bank ou, epi ki kote pou jwenn li sou sit bank lan, aplikasyon bank lan oswa sou yon chèk. W ap wè tou poukisa Amazon bezwen nimewo routing ak nimewo kont bank ou pou depoze lajan lavant ou.

Nan leson gratis sa a, w ap aprann erè ki pi souvan fè Amazon rejte dokiman ou oswa pa apwouve ouvèti store ou. N ap montre w kijan pou prepare PYES ou ak relve bank ou kòrèkteman, epi kijan pou monte dokiman orijinal yo nan bon fòma.

Sa wap jwenn nan leson an:
• Poukisa Amazon ka bloke ouvèti store ou a
• Kijan yon foto PYES ki pa klè afekte verifikasyon idantite ou
• Kijan pou pran yon bon foto lisans oswa kat idantite
• Kijan pou pran foto paspò ou louvri sou paj ki gen vizaj ou
• Poukisa ou pa dwe eskane, fè fotokopi, koupe oswa modifye foto PYES ou
• Poukisa relve bank lan dwe yon PDF orijinal
• Sa pou pa voye, tankou screenshot, fotokopi oswa foto papye relve bank lan
• Erè ki pi souvan lakòz PYES oswa relve bank yo rejte

Nan leson sa a, w ap aprann kijan pou voye foto PYES ou ak relve bank ou soti sou telefòn ou pou mete yo sou laptop oswa iPad ou. N ap montre w kijan pou voye dokiman yo bay tèt ou pa imèl, ouvri menm imèl la sou lòt aparèy la, telechaje fichye yo, epi kenbe tout dokiman yo pare pou verifikasyon Amazon.